1. Шчасце — гэта ўмець радавацца таму, што ты жывеш, дыхаеш, і пры гэтым адчуць, што ты патрэбен камусьці. Будзьце шчаслівымі!

2. Жыццё — гэта Божы дар. Жыццё — гэта свята! Хай кожны ваш дзень будзе святам!

3. Я плюс Я — сям’я. Знайдзіце сваё Я ў жыцці, абавязкова сустрэньце другое Я, адзінае і непаўторнае, і стварыце моцную сям’ю.

4. Падкажыце дарослым, навучыце іх спазнаць вялікую мудрасць: Дзецям трэба даць “даспець” у дзяцінстве.

5. Расціце, сябры, так, каб пра вас сказалі: “Добры чалавек!”

6. Жывіце прыгожы Сёння, тады вы з прыемнасцю ўспомніце дзень Учарашні, тады з радасцю сустрэнеце дзень Заўтрашні.

7. Запомніце, радасць вось у чым: калі вочы не стамляюцца ад прыгажосці; калі цэніш тое, што ёсць і што маеш; калі не спатыкаешся на роўнядзі; калі табе хораша пад дажджом; калі не стамляешмя рабіць дабро; калі ёсць хлеб і да хлеба, і ты ўсё гэта зарабіў сам.

8. Давайце, сябры, жыць весела і дружна, з літасцю і любасцю адзін да аднаго, бо за пусты смех і пустую жытку давядзецца лізаць вогненную патэльню на тым свеце.

9. Верныя сябры — жыццёвы скарб кожнага чалавека. Хай жа гэты скарб не абмінае вашу долю.

10. Кожны дзень паўтарайце маю малітву:

Дай, Божа, даваць, а не прасіць;

Дай, Божа, заўсёды смяяцца і ніколі не плакаць;

Дай, Божа, з радасцю вучыцца і працаваць і дома начаваць;

Дай, Божа, разам двое: і шчасце, і здароеў;

Дай, Божа, усё ўмець, а не ўсё рабіць;

Дай, Божа, на жыццё, на быццё і на доўгі век.

У імя Айца, і Сына, і Святога Духа. Амінь.

Уладзімір Ліпскі